Verið hjartanlega velkomin í Jólalundinn í Guðmundarlundi þar sem fram fer dásamleg fjölskyldudagskrá, alla sunnudaga fram að jólum á milli 13 og 15.

Ekki missa af jólaballinu hennar Rófu, tengingakapphlaupi jólasveinanna, risastóra jóladagatalinu, sveimandi ævintýraverum, blaðskellandi jólasveinum, rjúkandi heitu kakói, splunkunýjum ratleik, jólaföndri í dásamlegri náttúru eða því að kíkja í fataskápinn í Grýluhelli.

Dagskráin er endurtekin yfir daginn svo að öll ættu að komast að, og koma sér í jólastemninguna með ævintýraverurm og jólasveinum. Ratleikur, jóladagatal, leikir og föndur verður í boði á meðan opnun stendur og hægt verður að kaupa heitt kakó og piparkökur.

Nánari tímasetningar:

Jólaball Rófu

13:10
13:40
14:10
14:35

Örtónleikar barnakóra í Kópavogi

13:00 við inngang
13:20 við kaffihúsið
13:40 við leiktækin
14:10 við kaffihúsið
14:30 við inngang

Við hlökkum til þess að sjá ykkur og njóta fjölskylduvænnar samveru í fallegu náttúrunni okkar hér í Kópavogi.

Viðburðurinn er styrktur af lista- og menningarráði Kópavogsbæjar og Kópavogsbæ.

RATLEIKUR

Taktu þátt í ratleik í Jólalundi.

10 jólavættir hafa falið sig í trjánum. Ef þú finnur þær allar og safnar saman stöfunum sem þær geyma getur þú svarað spurningunni "Hvar búa jólasveinarnir?"

Settu inn nafn, símanúmer og netfang - og þar sem stendur Hvað getum við gert fyrir þig setur þú inn svarið við spurningunni "Hvar búa jólasveinarnir?"

Á hverjum sunnudegi drögum við út vinningshafa sem fær heimsókn frá jólasveini eða miða fyrir sig og alla fjölskylduna sína á Ævintýri í Jólaskógi.